+34 933 017 619

LA sua harmana prauticaba cun cassette tapes, y Katy Perry coyíalas pa eilla cuandu la sua harmana nun taba al tantu. Katy ensayaba las canciones y autuaba delantre los sous padres, quien l’aconseyonun que tomara clases de cantu. Eilla tomóu nota y fou a clases de los nueve a los selce años. Posteriórmente enrolouse na Music Academy of the West de Santa Barbara, y estudióu Ópera Italiana pur un cortu periodu de tiempu.[10]

Cun 15 años, las autuaciones de Perry na eigrexa ateraxenun l’atención de vieyos rokeiros de Nashville, Ténese, que la llevonun a esa ciudá pa pulire la sua escritura.[11] En Nashville, Perry escomencipióu a grabare demos y fou aprendida pur veteranos de la Música Country en téunicas de canciones y a tocare la gitarra.[8]

Primer discu[editare]

Perry firmóu cuna etiqueta musical Cristiana Red Hill Records, cunos que grabou’l sou primer albun a los 15 años. Autuandu cumu Katy Hudson, llanzóu un albun de Gospel-Rock cun ese mismu nome nel añu 2001.[2][11] La etiqueta pechóu nel añu 2001 y l’albun nun tuvu ésitu.[12] Dispués cambiou’l sou apellíu pur Perry, el nome de solteira de la sua madre, purque «Katy Hudson» yera mui parecíu a l’autriz de cine Kate Hudson.[11][13]

Cun 17 años Perry marchóu de casa pa Los Ánxeles, n’onde trabayóu cun Glen Ballard n’un albun pa la etiqueta Island Records.[14] L’albun tuvu llistu pa llanzase nel añu 2005,[1][11][12] y ánque’l Billboard lu reportóu, nun fou más p’allá.[12] Perry fou mandada pa Island Def Jam Music Group.[2] Dalgunas de las collaboraciones de Perry y Ballard incluyen «Box», «Diamonds» y «Long Shot», que tán na sua páxina uficial de MySpace page. «Simple», tamién grabada cun Ballard, fou llanzada na banda sonora orixinal del filme del añu 2005 The Sisterhood of the Traveling Pants .[15]

Perry firmóu cun Columbia Records nel añu 2004. Pesia eillu, la etiqueta nun taba en sintonía cun Katy Perry y nun la punxu nel «driver’s seat».[12] En vuelta d’eillu, la ideya de la etiqueta fou xuntala cul equipu produtor de grabaciones The Matrix, quien taban trabayandu n’un albun, pa servire cumu la sua vocalista femenina.Anque l’albun fou posteriórmente pecháu,[16] consigíu l’atención de la prensa musical: La sua carreira metiórica fizu que la chamaran «The Next Big Thing» n’Outubre, 2004 nel magazín Blender.[1][12]Ensín proxeutos d’albun, Perry comenzóu a grabar eilla sola. Cul ochenta pur cientu feichu, Columbia decidíu nun acabare y quitoula de la etiqueta.[12] Esperandu pa consigir outra etiqueta, trabayóu n’una compañía independiente A&R chamada Taxi Music. Nel añu 2006, Perry tuvu a la fin del vidiu del síngel de P.O.D. «¡Goodbye for Now».[17] Fizu tamién una aparición de cameyu nel vidiu de Carbon Leaf «Learn to Fly».

2013–2015: Prism y’l Xou del Descansu de la Super Bowl XLIX[editare]

Pa Noviembre, 2012, Perry escomencipióu a trabayare nel sou cuartu albun, Prism. Sigún comentóu a Billboard, «I know exactly the record I want to make next. I know the artwork, the coloring and the tone» (Coñezu esáutamente el prósimu discu que quieru facere. Coñézu’l xeitu, color y tonu, en llingua Llïonesa) y añedíu que tamién sabía’l xeitu de tur que fadría darréu y que ye prestaría asgaya si lu que tenía na tiesta se fadría rïalidá («I even know what type of tour I’m doing next. I’ll be very pleased if the vision I have in my head becomes a reality.»)[18]

Anque dixu a L’Uomo Vogue en Xunnu, 2012, que planeyóu tener «elementos oscuros» en Prism dispués de finar el sou matrimonnu,[19] Perry cuntóu a la MTV duránte’l 2013 MTV Video Music Awards que cambióu la direición del albun dispués de periodos d’autureflesión. Comentóu que se sentía «enforma prismática», lu qu’ispirou’l nome l’albun.[20] »

«Roar» fou llanzáu cúmu’l singel cimeiru de Prism n’Agostu y 10, 2013.[21]Fou promocionáu nel MTV Video Music Awards y arribóu al númberu 1 nel Billboard Hot 100.[22][23]

«Unconditionally» fou llanzáu cumu segundu síngel de Prism n’Outubre y 16, 2013,[24] y arribóu al númberu 14 nos Estáus Uníus.[25]